Жол қозғалысы қауіпсіздігін қамтамасыз ету мақсатында автокөліктерге жарық диодты (LED) фара орнатуға қатысты заң талаптарын еске саламыз.
Қазақстан Республикасының қолданыстағы заңнамасына сәйкес, автокөліктің жарық беру құрылғыларын өздігінен өзгерту немесе зауыттық стандартқа сай келмейтін жарық диодты фара орнату жол қозғалысы ережелерін бұзу болып табылады. Мұндай өзгерістер басқа жүргізушілердің көзін шағылыстырып, жол-көлік оқиғаларына әкелуі мүмкін.
Аталған талаптарды бұзғаны үшін Қазақстан Республикасының Әкімшілік құқық бұзушылық туралы кодексіне сәйкес 15 айлық есептік көрсеткіш (АЕК) мөлшерінде айыппұл қарастырылған.
Барлық көлік иелерін автокөліктің техникалық талаптарға сәйкестігін сақтауға, заңсыз жарық құрылғыларын орнатпауға және жол қозғалысы ережелерін қатаң сақтауға шақырамыз.
Жолдағы қауіпсіздік – әрбір азаматтың жауапкершілігі!
Ақпарат көзі : https://www.gov.kz/memleket/entities/aktobe-shalkar-monkebi/press/news/details/1165732?lang=kk
Жауап қалдыру