Округте Көкдөнен ауылдық округі аппараты мен Көкдөнен ауылдық аналар кеңесінің ұйымдастыруымен «Тұңғыш перзентін ата әжесінің қолына беруге қалай қарайсыз?» тақырыбында дөңгелек үстел өткізілді.
Іс-шараға А.Байтұрсынов пен Қ.Сұлтанбеков орта мектептерінің және өнер мектебінің ұстаздары мен мәдениет үйінің қызметкерлері қатысты.
Сондай-ақ іс-шараға аудандық аналар кеңесінің төрайымы Т.Алагозова, аналар кеңесінің мүшесі Г.Утеулиева, билер кеңесінің төрағасы С.Тастанбеков және Құлан таңы газетінің бас редакторы Н.Бықыбаев қонаққа шақырылды.
Тұңғыш перзентті ата-әжеге беру – қазақы тәрбиедегі дәстүрлі құбылыс. Дөңгелек үстелде бұл мәселенің жағымды жақтары (тәжірибелі тәрбие, ақыл-кеңес, үлкенге құрмет) және жағымсыз тұстары (ата-ана мен бала арасындағы эмоционалды байланыстың әлсіреуі, тәрбиедегі екіұдайлық) талқыланды.
Баланы кім тәрбиелесе де, оның жүрегіне мейірімділік, санасына ұлттық құндылықтарды ұялату – басты мақсат екені айтылды
Ақпарат көзі : https://www.gov.kz/memleket/entities/zhambyl-ryskulov-kokdonen/press/news/details/1166499?lang=kk
Жауап қалдыру