Талдықорған қаласында ағымдағы жылдың қаңтар және ақпан айларында Патрульдік полиция ротасының қызметкерлері жол қозғалысы қатысушыларының қауіпсіздігіне нақты қатер төндіретін бірқатар жол қозғалысы ережелерін бұзу деректерін анықтады.
Жол қозғалысы ережелері — жай ғана формальді талаптар жиынтығы емес. Олар өмірлік тәжірибе мен ережелерді елемеудің қайғылы салдарларына негізделіп қалыптасқан құқықтық нормалар жүйесі. Тіпті болмашы көрінетін заң бұзушылықтың өзі жол-көлік оқиғасына алып келуі мүмкін.
Патрульдеу барысында тәртіп сақшылары келесі құқық бұзушылықтарды тіркеді:
• көлік құралының техникалық жай-күйінің талаптарға сәйкес келмеуі — 138 дерек;
• мемлекеттік тіркеу нөмірлік белгілерінсіз басқару — 19;
• маневр жасау қағидаларын бұзу — 93;
• тротуармен қозғалу — 6;
• тоқтау немесе тұрақ қағидаларын бұзу — 231;
• бағдаршамның тыйым салатын сигналына өту — 30;
• жол белгілері мен таңбаларын сақтамау — 565.
Жалпы екі ай ішінде жол қозғалысы ережелерін бұзудың 3029 дерегі тіркелді.
«Жолдағы қауіпсіздік әрбір қатысушының жеке жауапкершілігінен басталады. Жол қозғалысы ережелерін қатаң сақтау — бұл тек заң талабы ғана емес, сонымен қатар өзгелердің өміріне деген құрметтің көрінісі», — деп атап өтті полиция қызметкерлері.
#законипорядок #заңментәртіп
#правиладорожногодвижения
Ақпарат көзі : https://www.gov.kz/memleket/entities/mvd-zhetysu/press/news/details/1167134?lang=kk
Жауап қалдыру