15 наурызға белгіленген республикалық референдумға дайындық аясында штаб мүшелерінің Әуезов аудандық полиция бөлімінің өкілдерімен жұмыс кездесуі өтті. Іс-шараға Қабдулина Т.Д. және Айтқожа Е.Т. қатысты.

Кеңес барысында қоғамдық тәртіпті қамтамасыз ету, сайлау заңнамасының талаптарын сақтау және дауыс беру күні іс-қимылды үйлестіру мәселелері қаралды. Құқық бұзушылықтардың алдын алу, азаматтардың сайлау құқықтарын қорғау және жалған ақпараттың таралуына жол бермеу шараларына ерекше назар аударылды.

Кездесу қорытындысы бойынша ведомствоаралық өзара іс-қимыл алгоритмдері, жедел әрекет ету тәртібі және жауапты лауазымды тұлғалар айқындалды. Құқық қорғау органдары референдумды заңдылық, ашықтық және қауіпсіздік талаптарына сай өткізуді қамтамасыз етуге дайын екендігін растады.

Ақпарат көзі : https://www.gov.kz/memleket/entities/abay-zhanasemey/press/news/details/1175212?lang=kk