Қазақстан Республикасында халықтың құқықтық сауаттылығын арттыру мемлекеттілікті нығайтудың және дамыған азаматтық қоғам қалыптастырудың маңызды құралдарының бірі ретінде қарастырылады. Бұл бағыттағы мемлекеттік саясат азаматтардың өз құқықтары мен міндеттерін түсінуіне, сондай-ақ өз әрекеттерінің құқықтық салдарын саналы түрде бағалай алуына жағдай жасауға бағытталған.
Заңнаманың талаптарын күнделікті өмірдегі нақты жағдайлармен байланыстыра отырып түсіндіруге ерекше көңіл бөлінеді. Атап айтқанда, еңбек шарттарын жасау, неке қию, білім беру қызметтерін алу, кәсіпкерлік қызметті бастау және жүргізу, цифрлық платформаларды пайдалану, сондай-ақ мемлекеттік органдарға жүгіну сияқты мәселелер бойынша түсіндіру жұмыстары жүргізіледі. Сонымен қатар тұтынушылардың құқықтарын қорғау тетіктері, құқық бұзушылықтардың алдын алу және құқықтық тәуекелдерді азайту жолдары туралы азаматтарды ақпараттандыру шаралары іске асырылуда.
Құқықтық білімнің кеңеюі азаматтардың жауапкершілігін арттыруға, жеке құқықтары мен заңды мүдделерін қорғауға және заңға құрмет мәдениетін қалыптастыруға ықпал етеді. Құқықтық ағарту жұмыстары заманауи әрі қолжетімді форматтарда ұйымдастырылып, халықтың әртүрлі топтарын, соның ішінде жастар мен әлеуметтік қолдауды қажет ететін азаматтарды қамтиды.
Ақпарат көзі : https://www.gov.kz/memleket/entities/ombudsman-zhetysu-oblysy/press/news/details/1176280?lang=kk
Жауап қалдыру