Сыбайлас жемқорлық проблемасы қазіргі заманғы әлеуметтік дамудың маңызды факторларының бірі болып табылады, ал оған қарсы іс-қимыл -мемлекеттік органдар мен барлық деңгейдегі азаматтардың бірлескен міндеті. Сыбайлас жемқорлыққа тиімді қарсы іс-қимыл шаралардың кешенді жүйесі негізінде ғана мүмкін болады.
Осылайша ТЖМ аумақтық бөлімшелерінде сыбайлас жемқорлықтың алдын алу және оған қарсы күрес бойынша түрлі іс-шаралар өткізіледі.
«Amanat» партиясының облыстық филиалының ғимаратында Қазақстан Республикасы Сыбайлас жемқорлыққа қарсы іс-қимыл агенттігінің Жетісу облысы бойынша департаменті, «Amanat» партиясы, Жетісу облысы ТЖД құрылымдық және аудандық бөлімшелері қызметкерлерінің қатысуымен «Азаматтық қорғау органдарында сыбайлас жемқорлыққа қарсы іс-қимыл» тақырыбында семинар-кеңес өтті. Кездесу барысында сыбайлас жемқорлыққа қарсы іс-қимыл агенттігінің облыс бойынша департаменті превенция басқармасының аға офицері Бауыржан Бегімбек сөз сөйледі, ол қатысушыларды сыбайлас жемқорлыққа қарсы заңнамаға қойылатын талаптар туралы, атап айтқанда бағынысты қызметкерлердің сыбайлас жемқорлық теріс қылықтары үшін бірінші басшылардың дербес жауапкершілігі туралы және бағыныстылар арасында сыбайлас жемқорлық құқық бұзушылықтардың алдын алу бойынша қажетті шараларды жүйелі түрде орындамағаны үшін хабардар етті.
Көкшетауда Ақмола облысы ТЖД қызметкерлері арасында құқық бұзушылықтың алдын алу бойынша іс-шара өтті. Семинар-кеңеске ҚР Сыбайлас жемқорлыққа қарсы іс-қимыл агенттігінің Ақмола облысы бойынша департаментінің превенция басқармасының өкілдері шақырылды. Қазақстан Республикасы Сыбайлас жемқорлыққа қарсы іс-қимыл агенттігінің департаментінің өкілі Абай Жаналинов сыбайлас жемқорлық құқық бұзушылықтардың алдын алу және оларды жасау алғышарттарын жою туралы баяндама жасады.
«Құтқарушылар – жемқорлыққа қарсы» республикалық акцияның аясында Атырау облысы ТЖД Сыбайлас жемқорлыққа қарсы іс-қимыл агенттігінің өкілімен кездесу өткізілді. Кездесу барысында агенттіктің қызметкері сыбайлас жемқорлықпен құқық бұзушылық үшін әкімшілік, қылмыстық жауапкершіліктерді жеткізді. Лауазымдық міндеттерін атқару кезінде адалдық танытып, халықтың мемлекеттік мекемелерге деген сенімін арттыру бағытында жұмыс жүргізуді тапсырды.
Жамбыл облысы ТЖД Сыбайлас жемқорлыққа қарсы іс-қимыл агенттігінің Жамбыл облысы бойынша департаментінің превенция басқармасының бас маманы Айбек Ажибаев шақырылды, ол жеке құрам арасында сыбайлас жемқорлыққа қарсы иммунитеттің алдын алу мен қалыптастыруды қамтамасыз етті. Аталған іс-шарада сыбайлас жемқорлыққа қарсы бағытталған іс-шаралар жүйесіндегі заңнамалық өзгерістер, жазалау және жауапкершілік, сыбайлас жемқорлық туралы хабарлаған азаматтарды қорғау шаралары.
Ұйымдастырылған семинарлар соңында азаматтық қорғау органдарының қызметкерлеріне сыбайлас жемқорлық қылмыстарының статистикасы, сыбайлас жемқорларды ұстаумен бейнематериалдар және сыбайлас жемқорлыққа қарсы күрес шаралары жеткізілді.
ТЖМ-да сыбайлас жемқорлыққа қарсы күреске ерекше назар аударатынын атап өткен жөн. Оның көріністерінің алдын алу және оған жол бермеу бойынша қажетті шаралар қабылдануда, сондай-ақ қызметкерлер арасында сыбайлас жемқорлыққа төзбеушілікті тәрбиелеу бойынша профилактикалық жұмыстар тұрақты негізде жүргізілуде. Жеке құраммен жеке-тәрбие жұмысына ерекше назар аударылады, осыған орай кадр және тәрбие жұмысы басқармасына жетекшілік ететін ТЖ департаменттің бастығының орынбасары лауазымы енгізілді. Қызметкерлерге құқықтық білім беру мақсатында жеке құрамды кәсіби даярлау шеңберінде Қазақстан Республикасының 2022-2026 жылдарға арналған сыбайлас жемқорлыққа қарсы саясат тұжырымдамасының негізгі ережелері, сондай-ақ ҚР Президенттің Жолдауы аясында сыбайлас жемқорлыққа қарсы іс-қимыл мәселелері бірнеше рет талқыланды. Бұл бағытта тұрақты және мақсатты жұмыс жүргізілуде.
Ақпарат көзі : https://www.gov.kz/memleket/entities/emer/press/news/details/886133
Жауап қалдыру