Іс-шараға прокуратура, құқық қорғау органдары, білім беру және денсаулық сақтау саласының өкілдері, сондай-ақ аудандық мәслихат депутаттары қатысты.
Аудан әкімінің орынбасары Аскарова Ж.А. өз сөзінде қауіпсіз әрі бақытты балалық шақты қамтамасыз ету мемлекеттік саясаттың басым бағыттарының бірі екенін атап өтті. Ол жас ұрпақты тәрбиелеу, жастар арасында заңға және қоғамдық тәртіпке құрмет қалыптастыру мәселесінде мемлекеттік органдардың, білім беру ұйымдарының және ата-аналардың бірлескен жұмысының маңыздылығына тоқталды.
Аудан прокуроры Рыспаев Е.Е.кәмелетке толмағандар арасындағы құқықбұзушылықтардың алдын алу барлық мемлекеттік құрылымдардың маңызды міндеті екенін атап өтті. Ол жасөспірімдерге заңнаманың негізгі талаптарын түсіндіріп, құқыққа қарсы әрекеттер үшін жауапкершілік бар екенін еске салып, жастарды заңды сақтауға, айналасындағылардың құқықтарын құрметтеуге және заңға бағынатын мінез-құлықты таңдауға шақырды.
Аудандық полиция бөлімінің бастығы Алтай Еримбесов Д.М. жасөспірімдер арасындағы құқықбұзушылықтардың алдын алу бағытында жүргізіліп жатқан жұмыстар туралы айтып, полицияның мектептермен және ата-аналармен өзара іс-қимылы жөнінде тоқталды. Ол қоғамдық тәртіпті сақтау мен қауіпсіздік ережелерін орындаудың маңыздылығына назар аударып, әрбір кәмелетке толмаған жасөспірім өз іс-әрекетінің салдарын түсінуі тиіс екенін атап өтті.
Аудандық мәслихат депутаты Болатканов Б.Б. өз сөзінде жастардың құқықтық тәрбиесінің маңыздылығын және өскелең ұрпақтың белсенді азаматтық ұстанымын қалыптастыру қажеттігін атап өтті. Ол оқушыларды білім алуға ұмтылуға, заңды құрметтеуге және қоғамның дамуына өз үлестерін қосуға шақырды.
Кездесу барысында қатысушылар жасөспірімдер арасындағы құқықбұзушылықтардың алдын алу, буллинг, интернет қауіпсіздігі және зиянды әдеттердің алдын алу мәселелерін талқылады.
Ақпарат көзі : https://www.gov.kz/memleket/entities/vko-altai/press/news/details/1179126?lang=kk
Жауап қалдыру