2026 жылғы 02 наурызда аумақтық басқармалардың қатысуымен Департамент басшысының орынбасары А.Т. Токтабаеваның төрағалығымен тек қана балаларға медициналық қызмет көрсететін денсаулық сақтау объектілеріне (оның ішінде білім беру және тәрбие беру ұйымдарындағы медициналық пункттер), толықтай мемлекеттік бюджет есебінен қаржыландырылатын, сондай-ақ мемлекеттік қаржыландыру алатын жекеменшік ұйымдарға мониторинг жүргізу мәселелері бойынша жұмыс кеңесі өтті

Мониторинг балаларға профилактикалық егулерді ұйымдастыру және жүргізу талаптарының сақталуын, соның ішінде иммунобиологиялық дәрілік препараттарды сақтау және тасымалдау кезінде барлық деңгейде «суық тізбектің» қамтамасыз етілу талаптарының сақталуын, сондай-ақ туберкулездің алдын алу мәселелерін тексеру мақсатында жүргізіледі.
Кеңес барысында профилактикалық егулермен қамту, профилактикалық егулермен қамту бойынша есептік нысандарды (№ 4 нысан) қалыптастыру, сондай-ақ «Вакцинация» модулінің деректерімен анықталған сәйкессіздіктер мәселелері қаралды. № 4 қағаз нысаны мен «Вакцинация» модуліндегі есептер арасындағы сәйкессіздіктерді жою бойынша іс-қимыл алгоритмі әзірленді.

Ақпарат көзі : https://www.gov.kz/memleket/entities/dsek-abay/press/news/details/1179795?lang=kk