«Қорғас» ШЫХО санитариялық-карантиндік бақылау бөлімінің басшысы «Терминал А» ЖШС жұмысшылары арасында менингиттің алдын алу тақырыбында семинар ұйымдастырып, өткізді. Семинардың мақсаты – қатысушыларға инфекцияның көздерін, жұғу жолдарын және менингиттің алдын алу шараларын түсіндіру болды.
Семинар барысында қатысушылар менингиттің алдын алу бойынша негізгі аспектілермен танысты, оның белгілері, қауіпті топтар және аурудың таралуын болдырмауға көмектесетін сақтық шаралары туралы мәлімет алды. ШЫХО «Қорғас» санитариялық-карантиндік бақылау бөлімінің мамандары жұмысшылардың сұрақтарына жауап беріп, аурудың алғашқы белгілері пайда болған кезде уақтылы диагностика жасатып, медициналық көмекке жүгіну қажеттігін түсіндірді.
Сондай-ақ, іс-шара аясында менингитке күдік туындаған жағдайда әрекет ету алгоритмі ұсынылып, жұмыс орнында және тұрмыста санитариялық-эпидемиологиялық нормаларды сақтау жөнінде ұсыныстар берілді.
ШЫХО «Қорғас» санитариялық-карантиндік бақылау бөлімінің басшысы осындай іс-шаралардың тұрғындардың денсаулығына төнетін қауіптер туралы ақпараттандыруды арттыруға және олардың алдын алу әдістерін түсіндіруге маңызы зор екендігін атап өтті.
Барлық қатысушыларға ақпараттық материалдар, оның ішінде жадынамалар мен буклеттер таратылды, олар менингиттің алдын алу және оған әрекет ету принциптерін болашақта жақсы түсінуге көмектеседі.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/969227?lang=kk
Жауап қалдыру