Тамды ауылдық мәдениет үйінде 8 наурыз – Халықаралық әйелдер күніне орай мерекелік концерт ұйымдастырылды.
Көктемнің шуақты мерекесіне арналған бұл кеш ауылымыздың аяулы аналары, ардақты апа-әжелері мен қыз-келіншектеріне құрмет көрсету мақсатында өтті. Іс-шара барысында әйел-аналардың қоғамдағы орны мен отбасындағы қадір-қасиеті ерекше атап өтіліп, олардың еңбегі мен мейіріміне алғыс білдірілді.
Мерекелік концертте мәдениет үйінің өнерпаздары мен ауыл жастары ән айтып, би билеп, көрермендерге көтеріңкі көңіл-күй сыйлады. Әсем әндер мен әсерлі қойылымдар кештің сәнін кіргізіп, жиналған қауымға ерекше мерекелік атмосфера сыйлады.
Шара барысында ауылдың белсенді аналары мен қыз-келіншектеріне жылы лебіздер айтылып, мерекелік құттықтаулар жолданды. Осындай тағылымды әрі көңілді кеш ауыл тұрғындарына ерекше әсер қалдырып, барша жанға мерекелік көңіл-күй сыйлады. 🌷
Ақпарат көзі : https://www.gov.kz/memleket/entities/aktobe-alga-tamdy/press/news/details/1179455?lang=kk
Жауап қалдыру