Қостанай облысында қазақтың ұлттық өнерін насихаттауға, дәстүрлі мәдениетті сақтап, дамытуға бағытталған оқушылар арасындағы «Сөз бен Саз» облыстық байқауы өтеді.
Шығармашылық сайысқа Қостанай облысының қала және аудан мектептерінің оқушылары қатысады. Қатысушылар бірнеше бағыт бойынша өз өнерлерін көрсетеді: айтыс, күй орындау және қазақтың дәстүрлі әндерін орындау. Жас өнерпаздар өздерінің дайындық деңгейін, сахналық шеберлігін және ұлттық музыкалық мұраға деген құрметін паш етеді.
Бұл байқау оқушылардың шығармашылық қабілеттерін ашуға, жастар арасында қазақ мәдениетіне деген қызығушылықты арттыруға және ұлттық дәстүрлерді құрметтеуге тәрбиелеуге мүмкіндік береді.
Ұйымдастырушылар мұндай іс-шаралар жас ұрпақтың шығармашылық әлеуетін дамытуға және қазақ халқының бай мәдени мұрасын сақтауға ықпал ететінін атап өтті.
Ақпарат көзі : https://www.gov.kz/memleket/entities/digital-nauryz/press/news/details/1179091?lang=kk
Жауап қалдыру