Рига, 2026 жылғы 17 наурыз – Қазақстан Республикасының Латвиядағы Елшілігінің қолдауымен Наурыз мерекесін атап өту аясында шығармашылыққа, ізгілікке және мәдени құндылықтарға арналған «Балалар әлемді бейнелейді» атты Қоғамдық қорының көрмесі өтті. Іс-шара мерекелік бағдарламаның жарқын бөлігіне айналып, қонақтарды өнер, балалар шабыты және көктемгі жаңару атмосферасы төңірегінде біріктірді.
Көрмеде балалардың бейбітшілік, достық, отбасы, туған табиғат, салт-дәстүрлер мен ұлттық мәдениет туралы көзқарасын бейнелейтін көркем туындылары ұсынылды. Жас авторлардың суреттерінде Наурыз мейрамының рухымен үндесетін бейбітшілік, үйлесім, мейірім мен үміт тақырыптары көрініс тапты.
Іс-шараға жиналған қонақтар ұсынылған жұмыстарға қызығушылық танытып, балалардың дарындылығына, олардың ой-өрісінің тереңдігіне және балалардың шығармашылығын қолдаудың маңыздылығына ерекше назар аударды. Көрме жылы әрі мерекелік атмосферада өтті. Наурыз күндері осындай көрменің ұйымдастырылуы бірлік, ізгілік және жасампаздық құндылықтарын еске салатын маңызды символға айналды.
Ақпарат көзі : https://www.gov.kz/memleket/entities/mfa-riga/press/news/details/1184643?lang=kk
Жауап қалдыру