Қасиетті Ораза айт мерекесімен шын жүректен құттықтауымды қабыл алыңыздар!
Қасиетті Рамазан айы – бұл рухани тазалау, қайырымдылық пен игі істер кезеңі. Ораза айт күндері әр мұсылман туған-туыстары мен бауырларына қамқорлық көрсетіп, мұқтаж жандарға қол ұшын созып, өзінің рухани дамуына зор мән береді.
Ораза айт – қонақжайлылық пен мейірбандылықтың, достық пен татулықтың мерекесі. Халқымыз мол дастарқанын жайып, ақ жарқын көңілмен жүздесіп, дәм татысып, барша адам баласына жақсылық, аманшылық тілеп, ақ баталарын береді.
Ауданымыз, жалпы Қазақстанымыз да – бейбіт, келісім мен өзара сыйластық мекені. Рухани құндылықтарға, көршілік пен бірлікке құрметпен қарау әл-ауқатымыздың берік тірегі болып қала береді.
Ұлық, қастерлі Ораза айт мерекесі баршаңызға жақсылық, ынтымақ-бірлік әкелсін, әр шаңырақта береке орнасын!
Айт қабыл болсын!
Жітіқара
ауданының әкімі А.Жаныспаев
Ақпарат көзі : https://www.gov.kz/memleket/entities/kostanai-zhitikarin-audany-akimat/press/news/details/1185645?lang=kk
Жауап қалдыру