Баршаңызды Ораза айт мерекесімен шын жүректен құттықтаймын!
Отыз күн бойы сабырлық пен шүкіршілікті серік еткен әрбір ораза ұстаушының жүрегі нұрланып, иманы нығайып, рухани биіктікке бет алады. Бұл – адам бойындағы ізгі қасиеттерді арттырып, мейірім мен жанашырлықты тереңдететін тағылымы мол кезең.
Ораза айында жасалған әрбір игі іс, берілген садақа, айтылған жылы сөз – қоғамымызға шуақ шашып, бірлігімізді бекемдей түседі. Мұқтаж жандарға қол ұшын созып, айналамызға қамқорлық таныту – осы мерекенің басты мәні мен мағынасы.
Айт күні әр шаңыраққа қуаныш, береке мен шаттық әкелсін! Жүректеріңізге тыныштық, отбасыларыңызға амандық, дастархандарыңызға молшылық нәсіп етсін!
Баршаңызға зор денсаулық, бақ-береке, ырыс-несібе және толайым табыс тілеймін!
Ораза айт қабыл болсын!
Ақпарат көзі : https://www.gov.kz/memleket/entities/abay-semey/press/news/details/1186160?lang=kk
Жауап қалдыру