Бүгін облыс әкімі Берік Уәли Германияның Инцель қаласында өткен конькимен жүгіруден жасөспірімдер арасындағы Әлем чемпионатының жеңімпаздарымен кездесті.
27 ақпан мен 1 наурыз аралығында өткен жасөспірімдер арасындағы конькимен жүгіруден әлем чемпионатында облыс спортшылары жоғары деңгейде өнер көрсетті.
Кездесу барысында аймақ басшысы спортшылар мен олардың жаттықтырушысына алғыс айтып, алдағы жарыстарда да биік белестерді бағындыруға тілектестігін білдірді.
Шара барысында әлем чемпиондары Вадим Чебардаков пен Анастасия Беловодоваға және олардың жеке бапкері Ильмира Хамитоваға құрмет көрсетіліп, облыс әкімінің алғыс хаты мен арнайы сертификат табысталды. Спортшылардың жаттықтырушысына «Абай облысына сіңірген еңбегі үшін» төсбелгісі берілді.
Ақпарат көзі : https://www.gov.kz/memleket/entities/abay-sport/press/news/details/1190289?lang=kk
Жауап қалдыру