Мемлекет басшысының тапсырмасын орындау аясында Сыбайлас жемқорлыққа қарсы іс-қимыл агенттігі қоғамда сыбайлас жемқорлыққа төзбеушілікті қалыптастыру жөніндегі белсенді жұмысты жалғастырып, заңдылық пен құқықтық тәртіп қағидаттарын нығайтуға ерекше назар аударады.
«Заң мен тәртіп» қағидаты әділ және тұрақты мемлекеттің негізі. Бұл қағидатты сақтау – азаматтардың мемлекеттік институттарға деген сенімінің негізі және сыбайлас жемқорлық құқық бұзушылықтарға қарсы күрестегі маңызды құрал.
А.ж. 9 сәуірінде Батыс Қазақстан облысы бойынша Сыбайлас жемқорлыққа қарсы қызмет өңірлік басқармалардың қызметкерлері үшін көшпелі профилактикалық іс-шара ұйымдастырды.
Мемлекеттік қызметшілерге сотталғандарды ұстау жағдайларын көруге мүмкіндік берілді: олар тергеу кабинеттеріне, қамаудағыларға арналған камераларға, серуендеу аймақтарына барды.
Экскурсия мекеме қызметкерлерінің сыбайлас жемқорлық әрекеттері салдарынан бас бостандығынан айырылған адамдардың тағдыры туралы түсініктемелерімен сүйемелденді.
Іс–шараның басты мақсаты жай ғана хабарлау емес, эмоционалды әсер ету, тіпті, бір қарағанда, заңның шамалы бұзылуы қандай салдарға әкелуі мүмкін екендігі туралы көрнекі ескерту болды.
Экскурсиядан кейін көптеген адамдар көргендерінен алған әсер олардың заңдарды сақтауға және қоғам алдындағы жауапкершілікті қайта қарауға ықпал еткенін атап өтті.
БҚО бойынша Сыбайлас жемқорлыққа қарсы қызмет бұдан әрі де осындай іс-шараларды өткізуді, мемлекеттік органдардың қызметкерлерін қамтуды кеңейтуді және профилактикалық жұмысқа тартуды жоспарлап отыр.
#ЗАҢ_мен_ТӘРТІП
#ЗАҢменТӘРТІП
Ақпарат көзі : https://www.gov.kz/memleket/entities/anticorruption-bko/press/news/details/973403?lang=kk
Жауап қалдыру