Қазақстан Республикасының Өнеркәсіп және құрылыс министрі Ерсайын Нағаспаев Geoscience & Exploration Central Asia 2026 халықаралық геологиялық форумы аясында Британиялық геологиялық қызмет, Корей геоғылымдар және минералдық ресурстар институты (KIGAM), сондай-ақ “Росгеолфонд” ФМБМ, Boston Consulting Group халықаралық консалтингтік компаниясының басшылығымен бірқатар кездесулер өткізді.
Кездесулер барысында геологиялық барлау, геологиялық деректермен алмасу, заманауи цифрлық шешімдер мен озық технологияларды енгізу, сондай-ақ ғылыми-зерттеу ісіндегі өзара ынтымақтастықты дамыту және маман даярлау мәселелеріне ерекше назар аударылды.
Сонымен қатар Қазақстан Республикасының жер қойнауын зерттеу тиімділігін арттыруға және минералдық-шикізат базасын игеруге бағытталған бірлескен жобаларды іске асыру мүмкіндіктері талқыланды.
Келіссөздер қорытындысы бойынша тараптар өзара тиімді әріптестікті одан әрі нығайтуға және бірлескен жобалар бойынша ынтымақтастықты тереңдетуге уағдаласты.
Ақпарат көзі : https://www.gov.kz/memleket/entities/mps/press/news/details/1192934?lang=kk
Жауап қалдыру