Ақтөбедегі көпсалалы облыстық балалар ауруханасында кардиохирургиялық көмекті дамыту бағытындағы ауқымды жұмыс жалғасып жатыр. Өңірлік мастер-жоспар аясында бөлімшенің қуаты айтарлықтай кеңейтіліп, кардиохирургиялық төсектер саны 8-ден 16-ға, ал кардиореанимациялық орындар 3-тен 10-ға дейін ұлғайтылды.
Жергілікті бюджет есебінен 547 миллион теңгеден астам қаржыға заманауи медициналық жабдықтар, соның ішінде өкпені жасанды желдету және жасанды қан айналымы аппараттары сатып алынды. Жақын уақытта бұл база негізінде Батыс өңірі мен Қызылорда, Қостанай облыстарының балаларына қызмет көрсететін өңірлік кардиохирургиялық орталық ашу жоспарланып отыр.
Ауруханада «Heart Center Foundation» қоры мен «University Medical Center» ұлттық жүрек орталығы мамандарының қатысуымен көшпелі клиникалық-білім беру сессиясы өтті. Оның аясында 13 балаға, оның ішінде бір жасқа дейінгі 4 сәбиге күрделі кардиохирургиялық операция жасалды.
Дәрігерлердің айтуынша, барлық ота сәтті өтті, науқастардың жағдайы тұрақты. Қазір олар кардиореанимация бөлімінде бақылауда.
Сонымен қатар, өңір дәрігерлері үшін оқыту бағдарламасы ұйымдастырылып, ата-аналарға арналған түсіндіру жұмыстары жүргізілді.
Ақпарат көзі : https://www.gov.kz/memleket/entities/aktobe-alga-tamdy/press/news/details/1194455?lang=kk
Жауап қалдыру