ҚР заңнамасына сәйкес, әрбір жұмыс беруші қызметкермен еңбек шартын жазбаша түрде жасауға міндетті. Еңбек шарты тараптардың құқықтары мен міндеттерін, еңбек жағдайларын, еңбекақысын, сондай-ақ кепілдіктер мен өтемдерді реттейді.
Еңбек заңнамасының сақталуын бақылауды күшейту және ашықтықты қамтамасыз ету мақсатында барлық еңбек шарттары міндетті түрде Еңбек шарттарын есепке алу біріздендірілген жүйесіне (ЕШБЖ) енгізілуі қажет.
Негізгі талаптар:
- Еңбек шарты қызметкердің еңбек функциясын орындауды бастамас бұрын міндетті түрде жасалуы тиіс.
- Еңбек шартына енгізілген барлық өзгерістер мен толықтырулар уақтылы ЕШБЖ жүйесінде көрсетілуі қажет.
- Еңбек шартының немесе оның өзектендіруінің уақтылы ЕШБЖ жүйесіне енгізілмеуі әкімшілік жауапкершілікке әкеп соғуы мүмкін. ҚР Әкімшілік құқық бұзушылықтар кодексінің 230-бабына сәйкес, 10 АЕК-тен 1000 АЕК-ке дейінгі айыппұл қарастырылған.
Жұмыс берушілерге ұсыныстар:
- Заңнамамен бекітілген үлгілік еңбек шарттарын пайдалану.
- Еңбек шартындағы еңбек жағдайлары, лауазым, жалақы немесе басқа маңызды өзгерістер болған кезде ЕШБЖ жүйесіндегі деректерді уақтылы жаңарту.
- Енгізілген ақпараттың дұрыстығын тексеру және қателіктерді уақытында түзету.
Осы талаптарды сақтау еңбек қатынастарын заңды түрде ұйымдастыруға, қызметкерлердің құқықтарын қорғауға және жұмыс беруші үшін әкімшілік жауапкершілік тәуекелдерін азайтуға мүмкіндік береді.
Ақпарат көзі : https://www.gov.kz/memleket/entities/karaganda-enbek/press/news/details/1195439?lang=kk
Жауап қалдыру