Қарағандыда үстел теннисінен Қазақстан Республикасының жастар чемпионаты басталды. Ел біріншілігіне еліміздің түкпір-түкпірінен ең мықты жас спортшылар жиналды: 14 ерлер және 14 әйелдер командасы жасақталған. Қарағанды облысының намысын екі команда қорғайды. Жанкүйерлер тартысты кездесулерді тамашалап, қазақстандық үстел теннисінің болашағына қолдау көрсете алады.
«7–12 сәуір аралығында Қарағанды қаласындағы Saryarka үстел теннисі орталығында 2005 жылы туған және одан кіші спортшылар арасында Қазақстан чемпионаты өтуде. Жарыс өте тартысты болмақ, өйткені қатысушылар тек медальдар үшін ғана емес, сонымен қатар ұлттық деңгейде өздерін таныту мүмкіндігі үшін де бақ сынайды», — деп хабарлады Қазақстан үстел теннисі федерациясы.
Қатысушылар командалық, жеке, жұптық және аралас разрядтарда өнер көрсетеді. Әр құрамда бес ұл және бес қыз спортшы бар.
Айта кетейік, Қарағандының үстел теннисі мектебі елдегі үздіктердің бірі ретінде орынды бағаланады. Оның тәрбиеленушілері — ұлттық чемпионаттардың, клубтық турнирлердің, спартакиадалардың және халықаралық жарыстардың тұрақты жеңімпаздары мен жүлдегерлері. Наурыз айында Алматыда өткен ересектер арасындағы Қазақстан чемпионатында қарағандылық спортшылар түрлі деңгейдегі 11 медаль жеңіп алды.
Ақпарат көзі : https://www.gov.kz/memleket/entities/karaganda/press/news/details/1195461?lang=kk
Жауап қалдыру