Балалар ауыз суы және ТС / ЕАЭО техникалық регламенттері Қазақстан Республикасын қоса алғанда, Еуразиялық экономикалық одаққа (ЕАЭО) мүше мемлекеттердің аумағында қапталған ауыз судың қауіпсіздігіне қойылатын талаптар “Табиғи минералды суды қоса алғанда, қапталған ауыз судың қауіпсіздігі туралы” ЕАЭО 044/2017 ТР белгіленген.

Көрсетілген техникалық регламент ауыз судың, оның ішінде балалар тағамына арналған судың сапасына, қауіпсіздігіне, өндірісіне, буып-түюіне және таңбалануына қойылатын міндетті талаптарды айқындайды.
Қаптама және таңбалау
ЕАЭО ТР 044/2017 сәйкес балалар ауыз суының қаптамасында тұтынушы үшін шынайы ақпарат орналастырылуы тиіс соның ішінде:
* өнімнің мақсатын көрсету (“балалар тамағына арналған”);
* жас санаты;
* құрамы мен минералдану деңгейі туралы мәліметтер;
* сақтау шарттары мен жарамдылық мерзімі, оның ішінде қаптаманы ашқаннан кейін.
Таңбалау түсінікті болуы керек және тұтынушыны адастырмауы керек.
Сәйкестікті растау
Балаларды тамақтандыруға арналған ауыз су мемлекеттік тіркеу туралы куәлікті ресімдей отырып, міндетті түрде мемлекеттік тіркеуге жатады.
Қапталған ауыз судың өзге де түрлері регламент талаптарына сәйкестігін сәйкестік туралы декларация арқылы растайды.
Осылайша, ЕАЭО нарығында айналымға шығарылатын балалар ауыз суы ЕАЭО ТР 044/2017 талаптарына сәйкес келуге міндетті. Бұл балалар денсаулығын қорғауға және өнім қауіпсіздігінің жоғары деңгейін қамтамасыз етуге бағытталған өнім сапасын бақылауды, белгіленген көрсеткіштер бойынша қауіпсіздікті және тұтынушыларды тиісті ақпараттандыруды қамтамасыз етеді.

Ақпарат көзі : https://www.gov.kz/memleket/entities/pavlodar-zhelezinka/press/news/details/1196848?lang=kk