«ТМД елдеріндегі Денсаулық және адам құқықтары апталығы» халықаралық акциясы аясында Петропавл теміржол көлігі колледжі базасында студенттермен кездесу өткізілді.
Іс-шара барысында Қазақстан Республикасының заңнамасында және халықаралық стандарттарда көзделген денсаулыққа құқық пен жеке басына қол сұғылмаушылықты іске асырудың өзекті мәселелері талқыланды. Практикалық аспектілерге ерекше назар аударылды: медициналық көмектің қолжетімділігі, пациенттердің құқықтары, құпиялылық мәселелері және күнделікті өмірде, сондай-ақ цифрлық ортада жеке шекараларды қорғау.
Студенттерге денсаулыққа құқық тек медициналық көмек алумен шектелмейтіні, сонымен қатар лайықты өмір сүру жағдайларын қамтамасыз етуді, психологиялық әл-ауқатты және құрметпен қарауды қамтитыны түсіндірілді. Сондай-ақ құқықтар бұзылған жағдайда оларды қорғау тетіктері мен уәкілетті органдарға жүгіну тәртібі қарастырылды.
Кездесу аясында өмірден алынған практикалық мысалдар келтірілді, оның ішінде медициналық көмекке жүгіну, буллинг көріністері және жеке өмірге қол сұғылмау құқығының бұзылуына қатысты жағдайлар талқыланды.
Қосымша ретінде №2 емхананың фельдшері салауатты өмір салтының қағидаттары, аурулардың алдын алу және өз денсаулығына жауапкершілікпен қараудың маңыздылығы туралы ақпарат берді.
Осындай кездесулерді өткізу жастардың құқықтық сауаттылығын арттыруға, белсенді азаматтық ұстанымды қалыптастыруға және өз денсаулығы мен құқықтарына жауапкершілікпен қарауға ықпал етеді.
Ақпарат көзі : https://www.gov.kz/memleket/entities/ombudsman-sko-oblysy/press/news/details/1197120?lang=kk
Жауап қалдыру