Жетісу облысы Полиция департаментінің Көші-қон қызметі басқармасының қызметкерлері күн сайын тәртіпті, заңдылықты және ұлттық қауіпсіздікті қамтамасыз етуге бағытталған ауқымды әрі жауапты жұмыс атқарады. Қатаң құжаттар мен ресми талаптардың артында үлкен жауапкершілік жатыр: көші-қон полициясының мамандары арқылы елге келетін, жұмысқа орналасатын, білім алатын немесе жеке мақсатпен келген жүздеген азамат өтеді.
Қызметкерлердің жұмыс күні жоспарлаудан басталады. Таңертең ағымдағы жағдайға талдау жасалып, шетелдік азаматтардың келуі бойынша тізімдер тексеріледі, олардың тіркеу деректері жаңартылып, тексеру және шығу іс-шаралары жоспарланады. Әсіресе көші-қон заңнамасының сақталуына ерекше көңіл бөлінеді, себебі кез келген заңбұзушылық салдары ауыр болуы мүмкін.
Күн ішінде азаматтарды қабылдау жұмыстары жүргізіледі. Қызметкерлер шетелдік азаматтар мен оларды қабылдаушы тарапқа кеңес беріп, елде болу тәртібін, тіркеу мерзімдерін және қажетті құжаттарды түсіндіреді. Әрбір өтініш мұқияттылық пен дәлдікті талап етеді — бұл салада қателікке жол жоқ.
Сонымен қатар құжаттандыру жұмыстары қатар жүреді: уақытша тұруға рұқсаттарды рәсімдеу, болу мерзімдерін ұзарту, келу-кету деректерін тіркеу. Барлық ақпарат мұқият тексеріліп, деректер базасына енгізіледі. Бұдан бөлек, қызметкерлер мекенжайларға шығып, тексерулер жүргізіп, заңсыз көші-қонның алдын алу бағытында жұмыс атқарады.
Көші-қон қызметінің жұмысы тек бақылаумен шектелмейді, сонымен бірге алдын алу шараларын да қамтиды. Заң талаптарын түсіндіру және бұзушылықтардың алдын алу мақсатында тұрақты түрде іс-шаралар өткізіледі. Басқа мемлекеттік органдармен өзара іс-қимыл жедел әрекет етуге мүмкіндік береді.
Қызметкерлердің айтуынша, бұл саладағы басты қағидалар — жауапкершілік пен ұқыптылық.
Ақпарат көзі : https://www.gov.kz/memleket/entities/mvd-zhetysu/press/news/details/1197540?lang=kk
Жауап қалдыру