2025 жылдың 11 сәуірінде Жетісу облысы Төтенше жағдайлар департаментінің қызметкерлерінің облыстық Сыбайлас жемқорлыққа қарсы қызмет өкілдерімен кездесуі өтті.
Іс-шара аясында мемлекеттік секторда ашықтық қағидаттарын нығайтуға, сыбайлас жемқорлыққа қарсы саясаттың тиімділігін арттыруға және сыбайлас жемқорлыққа мүлдем төзбеушіліктің тұрақты мәдениетін қалыптастыруға бағытталған «Заң және тәртіп» тұжырымдамасын іске асыру мәселелері қаралды.
Мемлекеттік қызметшілердің этикалық нормаларды сақтауына, сондай-ақ мүдделер қақтығысының алдын алу және реттеу бойынша практикалық шараларға ерекше назар аударылды. Қызметтік міндеттерін атқару кезінде әрбір қызметкердің адалдық пен парасаттылық қағидаттарын сақтауы үшін жеке жауапкершілігінің маңыздылығы атап өтілді.
Қатысушылар өзекті сұрақтар қоюға, проблемалық аспектілерді талқылауға, сондай-ақ сыбайлас жемқорлық көріністерінің тиімді алдын алудың нақты мысалдарын қарастыруға мүмкіндік алды. Мемлекеттік органдардың күнделікті қызметінде сыбайлас жемқорлық тәуекелдерін төмендетудің практикалық тәсілдері талқыланды.
Кездесу соңында сыбайлас жемқорлыққа қарсы сауаттылық деңгейін арттыруға бағытталған тақырыптық бейнематериалдар көрсетілді, сондай-ақ тәулік бойы тегін консультация беретін және ықтимал сыбайлас жемқорлық бұзушылықтары туралы хабарламалар қабылдайтын Сыбайлас жемқорлыққа қарсы іс-қимыл агенттігінің 1424 колл-орталығының қолжетімділігі еске салынды.
Мұндай кездесулер мемлекеттік қызмет жүйесінде ашықтық пен заңдылық атмосферасын қалыптастыруға, сондай-ақ мемлекет жүргізіп жатқан сыбайлас жемқорлыққа қарсы саясатқа азаматтардың сенімін нығайтуға ықпал етеді.
Ақпарат көзі : https://www.gov.kz/memleket/entities/anticorruption-zhetisu-oblysy/press/news/details/974610?lang=kk
Жауап қалдыру