Тамақтан уланудың алдын алу

Тамақтан улану халықтың санитариялық-эпидемиологиялық саламаттылығы саласындағы өзекті мәселелердің бірі болып табылады. Улану патогендермен, токсиндермен немесе химиялық заттармен ластанған тағамды жеу салдарынан пайда болады.

Тамақтан улану – сапасыз немесе ластанған тағамдарды жегеннен кейін пайда болатын жіті ауру. Оған себеп көбінесе сальмонеллалар, стафилококктар, ішек таяқшасы сияқты бактериялар, сондай-ақ олардың токсиндері себеп болады. Тамақтан уланудың негізгі себептері – азық-түлікті сақтау шарттарының бұзылуы (температуралық режим), термиялық өңдеудің жеткіліксіздігі, сақтау мерзімдерінің бұзылуы, жеке гигиена ережелерінің бұзылуы, айқас ластану (шикі өнімнің дайын өніммен байланысы), сапасыз суды пайдалану және қоғамдық тамақтану объектілерінде санитариялық талаптардың сақталмауы. Тамақтан улану белгілері – жүрек айну, құсу, диарея, іш ауруы, дене температурасының жоғарылауы, жалпы әлсіздік.

Егер бұл белгілер пайда болса, уақтылы медициналық көмекке жүгіну керек.

Тамақтан уланудың алдын алу үшін келесі алдын алу шараларын сақтау қажет:

1. рұқсат етілмеген сауда орындарынан белгісіз адамдардан азық-түлік өнімдерін, үйде дайындалған өнімдерді (саңырауқұлақтар, кондитерлік өнімдер, үйде консервіленген өнімдер) сатып алмаңыз;

2. азық-түлік сатып алғанда олардың жарамдылық мерзіміне және сақтау температурасына назар аударыңыз;

3. жарамдылық мерзімі өткен немесе сақтау шарттары бұзылған тағамдарды тұтынбаңыз;

4. тоңазытқышта шикі және дайын тағамдарды бір-бірінен бөлек сақтауды қамтамасыз етіңіз;

5. көкөністерді, жемістерді, жидек пен шөптерді қолданар алдында жақсылап жуыңыз;

6. шіріген, бүлінген, қабығының тұтастығы бұзылған көкөністер мен жемістерді сатып алмаңыз, тұтынбаңыз;

7. қаптаманың тұтастығы бұзылған және таңбалау белгілері (жапсырмалары) жоқ тамақ өнімдерін сатып алмаңыз;

8. тамақ дайындамас бұрын, тамақтанар алдында және дәретханаға барғаннан кейін қолыңызды жуыңыз;

9. термиялық өңдеуге жататын өнімдердің (ет, құс еті, балық, жұмыртқа) сапалы дайындалуын қамтамасыз етіңіз. Дұрыс орындалған термиялық өңдеу жұқпалы аурулар қоздырғыштарының (сальмонеллез, іш сүзегі, ішек инфекциясы) өлуін және токсиндердің жойылуын қамтамасыз ететінін естен шығармаңыз жөн;

10. тағам дайындау үшін және тұтынуға герметикалық жағдайы бұзылған, қампайған, тот басқан, деформацияланған консервілерді, әр түрлі қоспалармен және қойма зиянкестерімен ластанған жарма, ұн, кептірілген жемістерді пайдаланбаңыз;

11. азық-түлікті қаптау және сақтау үшін тек азық-түлікпен бірге пайдалануға рұқсат етілген буып-түйетін материалдарды, құралдарды және ыдыстарды пайдаланыңыз.

Осы ұсыныстардың барлығын орындау Сіздің денсаулығыңызды сақтайды! Өзіңізді сақтаңыз және сау болыңыз!