Атырау облысында мал төлдету кезеңіне сәйкес сақман науқаны басталып, ұйымдасқан түрде жүргізілуде.
Сақман – қыс соңы мен көктем басында өтетін мал шаруашылығындағы ең жауапты кезеңдердің бірі. Бұл уақытта шаруашылықтарда аналық мал төлдеп, жаңа туған төлді күтіп-бағу, сақтау және шығынсыз өсіру жұмыстары жүзеге асырылады.
Қазіргі таңда шаруашылықтарда төлдеген малды жеке қарау, төлді енесіне телу, әлсіз төлдерді күшейту, сондай-ақ қолайсыз ауа райынан қорғау шаралары күшейтілген. Малшылар тарапынан тәулік бойы кезекшілік ұйымдастырылып, төл шығынын болдырмауға баса мән берілуде.
Сақман науқанының сапалы өтуі мал басының көбеюіне, өнімділіктің артуына және өңірдегі мал шаруашылығының дамуына оң әсер етеді.
Жалпы, аталған жұмыстар ауыл шаруашылығы саласының тұрақтылығын қамтамасыз етуге бағытталған.
Ақпарат көзі : https://www.gov.kz/memleket/entities/atyrau-auyl/press/news/details/1199414?lang=kk
Жауап қалдыру