Қазақстанда жанар-жағармайдың қажетті қорлары толық көлемде қалыптасқан. 2026 жылдың бірінші тоқсанының қорытындысы бойынша республикада мұнай өнімдерін өндіру көлемі 3,7 млн тоннаға жетті, бұл ретте жылдық болжамды көрсеткіш 15,4 млн тонна деңгейінде белгіленген. Өндіріс құрылымында әлеуметтік маңызы бар отын түрлері негізгі орын алады: бензин шығару 1,6 млн тоннаны, ал дизель отыны шамамен 1,5 млн тоннаны құрады.
Нарықтың ағымдағы қажеттіліктерін қамтамасыз етумен қатар, Энергетика министрлігі елдің мұнай өңдеу әлеуетін түбегейлі арттыру бойынша ауқымды бағдарламаны іске асыруға кірісті.
Жұмыс істеп тұрған кәсіпорындардың қуатын кеңейту бойынша белсенді жұмыстар жүргізілуде: Павлодар мұнай-химия зауытының қуаттылығын 5,5-тен 9 млн тоннаға дейін, Шымкент зауытының қуатын 6-дан 12 млн тоннаға дейін, ал Атырау мұнай өңдеу зауытының қуатын 5,5-тен 6,7 млн тоннаға дейін ұлғайту жоспарлануда.
Сондай-ақ қуаттылығы жылына 10 млн тонна болатын жаңа мұнай өңдеу зауытын салу жобасын жеделдетіп іске асыру шаралары қабылдануда.
Ақпарат көзі : https://www.gov.kz/memleket/entities/energo/press/news/details/1200930?lang=kk
Жауап қалдыру