Н. Нұрмұхаммедов атындағы Павлодар облыстық көркемсурет музейінде «Заң мен тәртіп» жобасы аясында «Өнер туындыларын жүзеге асыру ережелері және авторлық құқық» тақырыбында дәріс-әңгіме өтті.
Спикер ретінде Павлодар облысы Әділет департаментінің зияткерлік меншік құқықтары бөлімінің басшысы Тукенов Әділ Ерланұлы сөз сөйледі.
Кездесуге Павлодар облысының еріктілерінің өңірлік фронт-офисінің мүшелері қатысты.
Кездесу барысында қатысушыларға өнер туындылары авторларының құқықтары, жұмыстарды сату кезінде мәмілелерді дұрыс рәсімдеу ерекшеліктері, авторлық құқықты бұзу тәуекелдері және олардың алдын алу жолдары туралы айтылды. Сонымен қатар зияткерлік меншікті қорғаудың практикалық тетіктері қарастырылды.
Іс-шара ашық әрі белсенді форматта өтті: қатысушылар пікірталасқа белсене қатысып, сұрақтар қойып, кәсіби кеңестер алды.
Ақпарат көзі : https://www.gov.kz/memleket/entities/adilet-pvl/press/news/details/1202307?lang=kk
Жауап қалдыру