Ақтөбе облысы бойынша ҚАЖ департаменті №9 мекемесінде сотталғандардың шығармашылық әлеуметтін дамыту, жазбаша сөйлеу дағдыларын қалыптастыру, тәрбиелік және әлеуметтік-психологиялық жұмыстың тиімділігін арттыру, рухани-адамгершілік құндылықтарды нығайту бағытында жүйелі жұмыстар жүргізілуде.
Осы мақсатта сотталғандардың өзін-өзі көрсетуіне, өмірлік бағдарларын қайта пайымдауына, заңға бағынатын мінез-құлыққа мотивация қалыптастыруына және босатылғаннан кейін қоғамға бейімделуіне ықпал ету үшін сотталғандар арасында шығарма байқауы ұйымдастырылды.
Аталған байқау Сағи Жиенбаев атындағы облыстық жасөспірімдер кітапханасы базасында өткізілді. Іс-шара барысында қатысушылар өз ойларын қағаз бетіне түсіріп, ішкі толғаныстары мен өмірге деген көзқарастарын шығармашылық тұрғыда жеткізе білді.
Байқау соңында сотталғандар өз әсерлерімен бөлісіп, мұндай шаралардың олардың ой-өрісін кеңейтуге, өмірге деген көзқарасын өзгертуге және болашаққа сеніммен қарауына ықпал ететінін атап өтті.
Ақпарат көзі : https://www.gov.kz/memleket/entities/duisaktobe/press/news/details/1203377?lang=kk
Жауап қалдыру