Петропавл қ. полиция басқармасында 45 жас қызметкер мен олардың тәлімгерлері Солтүстік Қазақстан облысы полиция департаменті жанындағы Тәлімгерлер кеңесінің құрамына кіретін ведомство ардагерлерімен кездесті.
Қызметке қабылданған кезде әрбір жас полицейге тәлімгер — тәжірибелі әріптес бекітіледі. Ол жас қызметкердің бейімделуіне көмектесіп, кәсіби тәсілдерді үйретіп, алғашқы кезеңде қателіктерден сақтандырады.
Кездесу барысында олар тәлімгерлер кеңесінің мүшелері, ведомствоның еңбек сіңірген ардагерлері Фарид Бегишев пен Сайлаубек Мусиннің, сондай-ақ полиция департаменті мен Ұлттық ұлан ардагерлер кеңесінің төрағасы Ақан Сыздықовтың практикалық кеңестерін тыңдады. Олардың әрқайсысы өз уақытында көптеген жоғары білікті мамандарды тәрбиелеген.
Жас мамандарды тәрбиелеуге қосқан үлесі, ұзақ жылдар бойғы мінсіз қызметі үшін тәлімгерлер Маржантай Канғузина, Медет Молдажан, Мади Искаков полиция департаментінің Алғыс хатымен марапатталды.
Балаларды патриотизм, адамгершілік және Отанға деген сүйіспеншілік рухында тәрбиелегені, олардың қызметтік міндеттерін үлгілі атқаруы мен жеке тәртібі үшін полиция лейтенанты Салтанат Тапинаның әкесі Малик Султанов пен полиция қатардағы Айдын Мұрзахметовтың әкесі Серікбай Мұрзахметов көтермеленді.
Кездесу «Тәлімгерлік және ұрпақтар сабақтастығы — «Заң мен Тәртіп» идеологиясын нығайтудың негізі» тақырыбында өтті.
Ақпарат көзі : https://www.gov.kz/memleket/entities/mvd-sko/press/news/details/1205605?lang=kk
Жауап қалдыру