Республикадағы электр желілері әртүрлі кернеу деңгейіндегі ондаған мың шақырым желілерді қамтып, халықты, өнеркәсіптік және әлеуметтік нысандарды бүкіл ел бойынша электр энергиясымен қамтамасыз етеді.
Оларды жаңарту жұмыстары жүйелі түрде жүргізілуде. 2025–2026 жылдардағы күзгі-қысқы кезеңге дайындық барысында 17 мың шақырым электр беру желілері мен 420 қосалқы станцияға күрделі жөндеу жүргізілді, бұл желілердің тозу деңгейін 66,17%-ға дейін төмендетуге мүмкіндік берді.
Атқарылған жұмыстардың нәтижесінде елдің электр желілеріндегі апаттылық өткен кезеңмен салыстырғанда 13%-ға немесе 3140 технологиялық бұзушылыққа төмендеді.
Алдағы күзгі-қысқы кезеңге дайындық аясында жалпы ұзындығы 17 098 шақырым электр беру желілерін күрделі жөндеу жоспарланған, оның ішінде: 500 кВ әуе желілері — 710,293 км, 220 кВ — 1 524,544 км, 110 кВ — 2 821,266 км, 35 кВ — 3 399,804 км, 6–10 кВ — 4 331,611 км, 0,4 кВ — 4 034,752 км, 6–10 кВ кабельдік желілері — 188,840 км, 0,4 кВ кабельдік желілері — 87,130 км. Сонымен қатар, 444 қосалқы станцияны, 3408 трансформаторлық және тарату қосалқы станцияларын, жиынтық трансформаторлық қосалқы станцияларды жөндеу көзделген.
Жоспарланған жұмыстарды орындау электр желілерінің орташа тозу деңгейін 65,67%-ға дейін төмендетуге мүмкіндік береді.
Айта кету керек, Қазақстан Республикасы Энергетика министрлігінің Мемлекеттік энергетикалық қадағалау және бақылау комитеті электр желілік инфрақұрылымның жай-күйі мен жөндеу жұмыстарына тұрақты бақылауда ұстайды. Ағымдағы жылдың бірінші тоқсанында ведомство 2026 жылға арналған электр желілік ұйымдардың жөндеу бағдарламаларын тыңдады, бұл жоспарланған іс-шаралардың уақтылы әрі сапалы орындалуына ықпал етеді.
Ақпарат көзі : https://www.gov.kz/memleket/entities/kaenk/press/news/details/1205793?lang=kk
Жауап қалдыру