Семей қаласында ювеналдық полиция инспекторлары түнгі уақытта арнайы профилактикалық рейд өткізді. Іс-шара барысында көшелерде ата-анасының қарауынсыз жүрген 50-ден астам кәмелетке толмаған жасөспірім анықталды.
Рейдтің басты мақсаты – жасөспірімдер арасындағы құқықбұзушылықтың алдын алу, олардың қауіпсіздігін қамтамасыз ету және түнгі уақытта қараусыз қалуына жол бермеу. Әсіресе, түнгі уақытта көшеде жүру жасөспірімдер үшін қауіп-қатерге толы. Сол себепті полиция қызметкерлері құқық бұзуға бейім жастарды анықтап, оларға қажетті кеңес беріп, ата-аналармен бірлесіп профилактикалық жұмыстар жүргізді.
Абай облысы Полиция департаменті азаматтарды кәмелетке толмағандардың түнгі уақытта көшеде жалғыз қалуына жол бермеуге шақырып, ата-аналарды жауапкершілікке және бала қауіпсіздігіне ерекше көңіл бөлуге үндейді. Осындай бірлескен күш-жігер арқылы ғана жас ұрпақты қорғау және олардың құқықтарын сақтау мүмкін болмақ.
Сондай-ақ, рейд барысында анықталған кәмелетке толмағандарға қажетті түсіндіру жұмыстары жүргізілді. Бұл іс-шара жасөспірімдердің қауіпсіздігін қамтамасыз етуге бағытталған практикалық қадамдардың нақты көрінісі болып отыр.
Ақпарат көзі : https://www.gov.kz/memleket/entities/mvd-abay/press/news/details/1205905?lang=kk
Жауап қалдыру