Қаратал ауданының Төтенше жағдайлар бөлімі ескертеді

«Қоқыс пен құрғақ шөпті жағу үшін айыппұл»

Жеке үй аумағын немесе ауыл шаруашылығы жерлерін тазалау кей жағдайда иелері үшін ауыр жазаға әкелуі мүмкін. Бұл өрт қауіпсіздігі ережелері мен қоршаған ортаны қорғау талаптарына байланысты.

Қоқыс пен құрғақ шөпті жағу – ауылдық жерлерде де, қалалардың жеке секторлары мен қала маңында да жиі кездесетін тәжірибе. Алайда тұрмыстық қалдықтарды, құрғақ бұтақтарды, жапырақтар мен шөпті осылай жою қоршаған ортаға елеулі зиян келтіріп, қауіп төндіреді. Ал кей жағдайларда мұндай әрекеттер орман өрттеріне әкеліп, бірнеше тұрғын үй мен құрылыстың жойылуына себеп болуы мүмкін.

Сондықтан қоқыс жағу – құқық бұзушылық болып табылады.

Қоқыс жағу үшін айыппұлдар

Құрғақ шөпті, бұтақтарды немесе басқа да қоқысты жағу өрт қауіпсіздігі талаптарын бұзу болып саналады.

Қазақстан Республикасының Әкімшілік құқық бұзушылық туралы кодексі
336-бап. Атмосфералық ауаны қорғау және қалдықтарды жинау немесе жағу кезінде өрт қауіпсіздігі талаптарын сақтамау

Аталған талаптарды бұзу айыппұл салуға әкеледі.

Егер құқық бұзушылық салдарынан өрт шығып, адамдарға немесе мүлікке зиян келсе, айыппұл мөлшері артады. Ал аса ауыр жағдайларда бұл әрекет қылмыстық жауапкершілікке әкелуі мүмкін.

Қоқысты тек арнайы белгіленген орындарда жағу қажет.
Бұл орындар шөптен және жапырақтардан тазартылған болуы тиіс және ғимараттар мен материалдардан кемінде 50 метр қашықтықта орналасуы керек.

Қоқысты тек күндізгі уақытта, міндетті түрде бақылаумен және өрт сөндіру құралдары (су немесе өрт сөндіргіш) болған жағдайда ғана жағуға болады. Жағу аяқталғаннан кейін от толықтай сөндіріліп, су құйылып, мұқият өшірілуі тиіс.

Өзіңізді және мүлкіңізді қорғаңыз!