Петропавл қаласында, Жұмабаев көшесінде орналасқан қалалық полиция басқармасы маңындағы Қазақстан полициясының 25 жылдығы аллеясында «Таза Қазақстан» республикалық экологиялық акциясы аясында полиция департаменті басшылығының қатысуымен 30-ға жуық шырша көшеті отырғызылды.
Қалалық полиция — өңірдегі негізгі құрылымдардың бірі, мұнда көптеген офицерлердің кәсіби тәжірибесі қалыптасқан. Бүгінде олар облыста қоғамдық тәртіпті қамтамасыз етіп, қылмыспен күрес жүргізуде. Ағаш отырғызу қызмет сабақтастығын және полицияның жасампаздық бағыттағы еңбегін айқындайтын символдық үлес болды.
Сол күні облыстың барлық бөлімшелерінде абаттандыру жұмыстары жүргізілді: аумақтар ретке келтіріліп, көгалдар мен тротуарлар тазартылды. Полицейлер дәстүрлі түрде «Таза Қазақстан» акциясы аясындағы республикалық экологиялық айлыққа қатысты.
Парко-шаруашылық күні жұмыс тәртібінде өтті: қызметкерлер қызметтік киімдерін спорттық киімге ауыстырып, күнделікті қызмет атқаратын және азаматтарды қабылдайтын аумақтарда тазалық жұмыстарын жүргізді.
Мұндай бастамалар елді мекендердегі тазалық пен тәртіпті сақтауға бағытталған және «Заң мен Тәртіп» қағидатының ажырамас бөлігі ретінде қалалық ортаға жауапты көзқарасты көрсетеді.
Ақпарат көзі : https://www.gov.kz/memleket/entities/mvd-sko/press/news/details/1208623?lang=kk
Жауап қалдыру