«Таза Қазақстан» экологиялық акциясы аясында ағымдағы жылдың 25 сәуірінде Ботақара кентінде аудан әкімінің қатысуымен республикалық сенбілік ұйымдастырылды. Ауқымды шараға кенттегі барлық мекемелердің қызметкерлері, кәсіпкерлер және жергілікті тұрғындар белсенді түрде қатысып, ортақ іске өз үлестерін қосты. Сенбілік барысында кент аумағын абаттандыру және көгалдандыру жұмыстары кең көлемде жүргізілді. Атап айтқанда, ағаштар мен түрлі көшеттер отырғызылып, көшелер мен қоғамдық орындар қоқыстардан тазартылды. Сонымен қатар, ағаш діңдерін әктеу жұмыстары жүргізілді. Бұл шаралар кенттің көркін арттырып қана қоймай, жасыл желекті күтіп-баптауға және қоршаған ортаны қорғауға бағытталды.Іс-шара соңында Жастар шағын ауданында қатысушыларға арнап шағын пикник ұйымдастырылды. Кент әкімдігі тарапынан палау таратылып, сенбілікке атсалысқан азаматтарға алғыс білдірілді.
Ақпарат көзі : https://www.gov.kz/memleket/entities/karaganda-buhar-zhyrau-botakara/press/news/details/1209275?lang=kk
Жауап қалдыру