2026 жылғы 28 сәуірде Алматы қаласы Бостандық ауданының әкімі А. Қалдыбеков азаматтарды кезекті қабылдау өткізді. Кездесу барысында аудан тұрғындары абаттандыру, аула аумақтарын жөндеу, санитарлық жағдай, қауіпсіздік және әлеуметтік қолдау мәселелері бойынша өзекті сұрақтарын тікелей көтерді.
Қабылдау барысында барлық өтініштер мұқият қаралды. Кездесу қорытындысы бойынша әкімдіктің тиісті құрылымдық бөлімшелеріне оларды жан-жақты пысықтау және белгіленген мерзімдерде қажетті шараларды қабылдау жөнінде тапсырмалар берілді.
Қосымша зерделеуді және жергілікті жерде бағалауды қажет ететін бірқатар мәселелер бойынша нақты шешімдер қабылдау және алдағы қадамдарды айқындау үшін аудан әкімі, уәкілетті мемлекеттік органдардың өкілдері мен тиісті қызметтердің қатысуымен көшпелі тексеру ұйымдастырылады.
Бостандық ауданы әкімдігі тұрғындармен тұрақты кездесулер өткізу тәжірибесін жалғастырып, кері байланыстың тиімділігін арттыру, азаматтардың өтініштеріне жедел жауап беру және қалалық ортаны дамыту мәселелерін жүйелі түрде шешу бағытындағы жұмыстарды тұрақты негізде жүргізетін болады.
Ақпарат көзі : https://www.gov.kz/memleket/entities/almaty-bostandyk/press/news/details/1210785?lang=kk
Жауап қалдыру