Достық ауылының жастары мен тұрғындары туған жерге деген сүйіспеншілігін нақты іспен дәлелдеп, ауыл келбетін көркейтуге бағытталған игі бастамаға бір кісідей жұмылды. «Таза Қазақстан» республикалық акциясы аясында ұйымдастырылған бұл шара Достық ауылында ерекше серпінмен өтті. Табиғатқа жанашырлық танытқан ауыл азаматтары мен белсенді жастар бірлесіп, ауыл аумағын көгалдандыру мақсатында ауқымды ағаш отырғызу жұмыстарын жүргізді.
Көктемнің жаймашуақ күнінде өткен бұл игі шара барысында 120 түп қарағай көшеті отырғызылып, болашақ ұрпаққа жасыл желекке оранған көркем орта қалыптастыруға берік негіз қаланды. Әрбір отырғызылған көшет – туған жерге деген қамқорлықтың, бірліктің және жауапкершіліктің жарқын көрінісіне айналды.
Ауыл тұрғындары үшін бұл тек сенбілік шара ғана емес, табиғатты аялауға, қоршаған ортаны қорғауға бағытталған маңызды қадам болды. Осындай бастамалар арқылы Достық ауылы жылдан-жылға ажарланып, жасыл желекке бөленіп, көркейе түсері сөзсіз.
Ақпарат көзі : https://www.gov.kz/memleket/entities/aktobe-martuk-akkudyk/press/news/details/1212007?lang=kk
Жауап қалдыру