30 сәуір күні аудандық мәслихаттың кезектен тыс 44 сессиясы өтті. Сессия жұмысына аудандық мәслихат төрағасы М.Тұрабаев төрағалық етті.
Сессияға аудан әкімінің орынбасары Б.Ысмағұлов, тиісті бөлім басшылары қатысты. Күн тәртібінде 2 мәселе қаралды.
Күн тәртібінде «Шиелі ауданының әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» Шиелі аудандық мәслихатының 2023 жылғы 14 қарашадағы №7/5 шешіміне өзгеріс енгізу туралы аудандық жұмыспен қамту және әлеуметтік бағдарламалар бөлімінің басшысы Төлегенов Ағыбай Рүстемұлы хабарлама жасады.
Екінші мәселе бойынша Шиелі ауданы әкімі аппаратының басшысы Каримов Ғалымжан Болатұлы аудандық мәслихаттың 2026 жылғы 07 сәуірдегі «Шиелі ауданы әкімдігі жанындағы кәмелетке толмағандардың істері және олардың құқықтарын қорғау жөніндегі ведомствоаралық комиссиясы құрамын бекіту туралы» №43/7 шешіміне өзгеріс енгізу туралы баяндады.
Күн тәртібіндегі шығарылған мәселелер бойынша аудандық мәслихат депутаттары ұсыныс-пікірлерін жеткізіп, баяндамашылар тарапынан тиісті жауаптар берілді.
Ақпарат көзі : https://www.gov.kz/memleket/entities/maslihat-shieli/press/news/details/1212963?lang=kk
Жауап қалдыру