1 мамыр – Қазақстан халқының бірлігі күніне орай Атырау облысы бойынша ҚАЖД қарасты №79 мекемесі жанындағы мектеп пен колледж білім алушыларының бірлесуімен мерекелік концерттік бағдарлама ұйымдастырылды. Іс-шараның басты мақсаты – түрлі ұлт өкілдерінің достығы мен татулығын дәріптеу, жастар арасында бірлік пен өзара құрмет құндылықтарын қалыптастыру.
Концерттік бағдарлама барысында білім алушылар өз өнерлерін ортаға салып, көрермендерге ерекше әсер сыйлады. Іс-шара аясында ән, би, ұлттық дәстүрлерді насихаттайтын шығармашылық нөмірлер ұсынылды. Әрбір қойылым халықтар достығы мен мәдени әртүрліліктің маңызын айқын көрсетті.
Аталған іс-шара мектеп пен колледж арасындағы ынтымақтастықты нығайтып, білім алушылардың шығармашылық қабілеттерін дамытуға ықпал етті.
Ақпарат көзі : https://www.gov.kz/memleket/entities/duisatyrau/press/news/details/1213039?lang=kk
Жауап қалдыру