Ауданда жас буынның әскери дайындығын нығайтуға бағытталған тағылымды іс-шара өз мәресіне жетті. Спутник лагерінде 10-сынып оқушыларының оқу-дала жиындарының қорытынды кезеңі ұйымдастырылды.
Салтанатты шараға аудан әкімінің аппарат басшысы Амалбек Өміртай, аудандық мәслихат депутаты Ерболат Жабаев, сондай-ақ аудан мектептерінің алғашқы әскери және технологиялық даярлық пәні мұғалімдері мен жас сарбаздар қатысты. Жиын барысында қатысушылар мұндай оқу-жаттығулардың жасөспірімдердің тәртіпке бағынуын қалыптастырып, ел алдындағы азаматтық жауапкершілігін арттыруда маңызы зор екенін атап өтті.Шара соңында жас сарбаздар саптық дайындықтарын көрсетіп, өздерінің алған білімдері мен машықтарын іс жүзінде дәлелдеді.
Төлеби ауданы әкімінің баспасөз қызметі
Ақпарат көзі : https://www.gov.kz/memleket/entities/turkestan-tolebi-audany/press/news/details/1213873?lang=kk
Жауап қалдыру