Қазақстанның Бас консулдығы Псков облысындағы қазақстандық батырлардың рухына тағзым етті

Жеңістің 81 жылдығы қарсаңында Қазақстан Республикасының Санкт-Петербург қаласындағы Бас консулдығының өкілдері Псков облысына сапармен барды.

Делегация мүшелері өңір басшылығымен, Псков облысы Әкімшілігінің өкілдерімен, Псковтағы Ресей СІМ өкілімен және Санкт-Петербургтегі әскери академиялардың қазақстандық тыңдаушыларымен бірге Монаково ауылындағы бауырластар зиратына барды. Қатысушылар өңірді азат ету кезінде қаза тапқан жауынгерлерді еске алып, Кеңес Одағының Батыры Әлия Молдағұлованың мемориалдық тақтасына гүл шоқтарын қойды.

Салтанатты іс-шаралар Новосокольники қаласында жалғасты. Дипломаттар мен облыс өкілдері қазақ халқының аты аңызға айналған қаһарман қызы, мерген Әлия Молдағұлованың өлмес ерлігіне тағзым етіп, ескерткішіне гүл шоқтарын қойды.

Ақпарат көзі : https://www.gov.kz/memleket/entities/mfa-s-petersburg/press/news/details/1214931?lang=kk