Астанада Отан қорғаушылар күні қарсаңында және «Заң мен тәртіп» қағидаты аясында №70 учаскелік полицияның жаңа тірек пункті ашылды. Ол ірі тұрғын үй массивіне қызмет көрсетуге арналған, деп хабарлайды елорда әкімдігінің ресми сайты.
Жаңа учаскелік полиция тірек пункті Сарайшық ауданындағы Нәжімеденов көшесі, 27 мекенжайында орналасқан «Балауса» тұрғын үй кешені аумағында жұмысын бастады.
Нысан 25 мыңнан астам тұрғынға қызмет көрсетеді. Жобаның ашылуы қоғамдық қауіпсіздікті күшейтуге және елорданың қарқынды дамып келе жатқан ауданында азаматтардың өтініштеріне жедел әрекет етуді арттыруға бағытталған.
Ғимараттың жалпы аумағы 177 шаршы метрді құрайды. Ішінде учаскелік инспекторларға арналған екі қызметтік кабинет, холл және санитарлық торап қарастырылған.
Қызметкерлер мен азаматтар үшін қолайлы жұмыс және қабылдау жағдайлары жасалған.
Астанада тірек пунктер желісін дамыту қоғамдық қауіпсіздік жүйесін жаңғыртудың маңызды бөлігі ретінде қарастырылып отыр. Негізгі басымдық – тұрғындардың полицияға жылдам жүгінуін арттыру. Мұндай пунктердің тұрғын аудандарда орналасуы құқық бұзушылықтардың алдын алу тиімділігін және халықпен өзара байланысты күшейтуге мүмкіндік береді.
Ақпарат көзі : https://www.gov.kz/memleket/entities/astana/press/news/details/1215767?lang=kk
Жауап қалдыру