Тараз қаласында төтенше жағдайларға жедел әрекет етуді қамтамасыз ететін азаматтық қорғау жүйесі ұйымдастырылған. Оның маңызды элементтерінің бірі — зардап шеккен халықты қабылдау пункттері. Табиғи немесе техногендік сипаттағы төтенше жағдайлар — жер сілкінісі, су тасқыны немесе өрт кезінде қалада азаматтарды жинау және уақытша орналастыру үшін арнайы орындар қарастырылған. Олар мектептер мен басқа да әлеуметтік нысандар базасында ұйымдастырылады. Осындай пункттердің бірі №62 орта мектеп базасында орналасқан. Мұнда зардап шеккендерді қабылдау және тіркеу, алғашқы көмек көрсету және оларды әрі қарай орналастыру жұмыстары жүргізіледі. Пункттің негізгі міндеттері: • халықты уақытша орналастыру; • алғашқы медициналық көмек көрсету; • азық-түлік пен сумен қамтамасыз ету; • азаматтарды ақпараттандыру; • эвакуацияны үйлестіру. Құтқарушылардың, медицина қызметкерлерінің, полицияның және жергілікті органдардың үйлесімді жұмысы төтенше жағдайлардың салдарын азайтып, зардап шеккендерге тиімді көмек көрсетуге мүмкіндік береді.
Жамбыл облысы ТЖД
Ақпарат көзі : https://www.gov.kz/memleket/entities/emer-zhambyl/press/news/details/1215340?lang=kk
Жауап қалдыру