Өсімдік шаруашылығының тиімділігін арттырудың негізгі факторлары цифрлық технологияларды пайдалану және тұқым сапасына бақылауды күшейту болмақ. Қазақстан Республикасы Жасанды интеллект және цифрлық даму министрлігі егіс науқанының барысы туралы деректерді жинауға арналған платформаны әзірледі, қазіргі уақытта ол пилоттық режимде жұмыс істеуде. Алдағы уақытта жүйеге өндірісті талдау және болжау үшін жасанды интеллект элементтері енгізіледі, деп хабарлайды UKIMET Telegram-арнасы.
Сонымен қатар тұқым сапасын қамтамасыз ету бойынша жұмыстар жүргізілуде: жалпы қажеттілік 2,3 млн тоннаны құрайды, оның барлығы 1 және 2 сынып стандарттарына сәйкес келеді. Сондай-ақ тыңайтқыштарға ішкі бағалар белгіленді.
«Мемлекет басшысының тапсырмасына сәйкес, сәуір айынан бастап элеваторларды салу және жаңғырту үшін жеңілдетілген қаржыландыруға өтінімдерді қабылдау басталды. Біз осы тапсырманы іске асыру бойынша Жол картасын әзірледік, онда қаржыландырудың негізгі критерийлері мен астық сақтау нысандарын салу және жаңғырту көрсеткіштері қарастырылған. Қаржыландыру толық қамтамасыз етілген жағдайда, элеваторлардың қуаттылығын 1 млн тоннаға дейін кеңейту жоспарланып отыр», — деді Қазақстан Республикасы Ауыл шаруашылығы вице-министрі Азат Султанов Үкімет отырысында.
Ақпарат көзі : https://www.gov.kz/memleket/entities/kostanai-kostanai-nadezhdin/press/news/details/1218322?lang=kk
Жауап қалдыру