Құрметті жерлестер!
Сіздерді 7 мамыр – Отан қорғаушылар күнімен шын жүректен құттықтаймын!
Бұл – ерлік пен елдік рухты ұлықтайтын, батырлық пен жауапкершілікті дәріптейтін ерекше күн. Ұлан-ғайыр даламыздың тыныштығын күзетіп, Тәуелсіз еліміздің тұғырының берік болуына үлес қосып жүрген барша азаматтарға шынайы алғысымды білдіремін.
Бабалар аманатына адал болып, ел намысын бәрінен биік қоятын рухты ұрпақ барда – Қазақстанның болашағы нық, келешегі кемел. Сіздердің қайсарлықтарыңыз бен отансүйгіштіктеріңіз – өскелең ұрпаққа өнеге, елге тірек.
Баршаңызға мықты денсаулық, отбасыларыңызға амандық, ел игілігі жолындағы еңбектеріңізге толайым табыс тілеймін! Әр шаңырақта шаттық, әр жүректе сенім болсын!
Еліміз аман, жұртымыз тыныш болсын!
Ақпарат көзі : https://www.gov.kz/memleket/entities/zhetisy-maslihat/press/news/details/1218380?lang=kk
Жауап қалдыру