БҮГІН, 13 мамырда, Қарағанды облысының санитариялық-эпидемиологиялық бақылау департаментінің базасында Қазақстанда трансмиссивті паразиттік аурулар мәселелері бойынша үш күндік республикалық энтомологиялық тренинг басталды.
Тренинг жұмысына Ұлттық Қоғамдық денсаулық сақтау орталығы басшысының орынбасары Манар Смағұл, ҚР Денсаулық сақтау министрлігі Санитариялық-эпидемиологиялық бақылау комитеті жұқпалы ауруларды бақылау басқармасының бас сарапшысы Арай Зекенова, биология ғылымдарының кандидаты, профессор Жанна Шапиева, “Қазақ ғылыми-зерттеу ветеринариялық институты” ЖШС профессоры Зәуре Саякова, “Ұлттық орталық” ШЖҚ РМК мамандары, дәрігер-бактериологтар, аумақтық санитариялық-эпидемиологиялық бақылау департаменттерінің мамандары, Ұлттық сараптама орталығы филиалдарының энтомологтары мен дәрігер-зертханашылары қатысты .
Қарағанды облысының санитариялық-эпидемиологиялық бақылау департаментінің басшысы Юрий Залыгин қатысушыларға өңіраралық өзара іс-қимылдың, тәжірибе алмасудың және аса қауіпті инфекциялардың алдын алу саласындағы мамандардың кәсіби құзыреттілігін арттырудың маңыздылығын атап өтіп, құттықтау сөз сөйледі.
Өз сөзінде қазіргі кезде инфекциялардың алдын алу және мониторингі мәселелері климаттық жағдайлардың өзгеруіне, жұқпалы аурулар тасымалдаушыларының көші-қонына және олардың таралу аймағының кеңеюіне байланысты ерекше өзектілікке ие болып отырғанын баса атап өтті.
Сөз соңында Департамент басшысы қатысушыларға жұмыстың жемісті болуын, сындарлы кәсіби диалог және алған білімдерін одан әрі практикалық қызметте табысты қолдануды тіледі.
Республикалық энтомологиялық тренингтің негізгі мақсаты трансмиссивті паразиттік аурулардың алдын алу, мониторингі және зертханалық диагностикасы мәселелерінде санитариялық-эпидемиологиялық қызмет мамандарының кәсіби даярлығын арттыру болды.
Семинар аясында келесі мәселелерге:
* энтомологиялық мониторинг жүргізу бойынша мамандардың практикалық дағдыларын жетілдіру;
* аса қауіпті инфекциялардың тасымалдаушыларын анықтау мен сәйкестендірудің қазіргі заманғы әдістерін зерделеу;
* эпидемиологиялық қадағалау мәселелері бойынша өңірлер арасында тәжірибе алмасу;
* қызметтердің кене және басқа да трансмиссивті инфекциялардың таралу қаупіне ден қоюға дайындығын арттыру;
* далалық зерттеулерді ұйымдастыру, зертханалық диагностика үшін материал жинау және дайындау мәселелері;
* халықтың санитариялық-эпидемиологиялық саламаттылығы саласындағы ведомствоаралық өзара іс-қимылды нығайтуға ерекше назар аударылды.
Семинар барысында қатысушылар Қазақстан Республикасының аумағында кенелердің кейбір түрлерінің шекараларының өзгеруіне байланысты ықтимал тәуекелдерді талқылады, сондай-ақ кене энцефалиті, тері лейшманиозы және безгектің табиғи ошақтарын бағалады.
Трансмиссивті инфекцияларды тасымалдаушы кенелерді анықтау, аса қауіпті инфекцияларға зертханалық зерттеулер үшін далалық материалды есепке алу, жинау және дайындау әдістеріне ерекше назар аударылды. Сондай-ақ, қан соратын жәндіктерді, соның ішінде масалар мен безгек масаларын энтомологиялық бақылау мәселелері қарастырылды.
Спикерлер энтомологиялық мониторинг жүргізу, инфекциялардың табиғи ошақтарын уақтылы анықтау және санитариялық-эпидемиологиялық қызмет мамандарының қазіргі заманғы эпидемиологиялық сын-қатерлерге ден қоюға дайындығын арттыру жөніндегі жүйелі жұмыстың маңыздылығын атап өтті.
Осындай республикалық тренингтер өткізу ведомствоаралық өзара іс-қимылды нығайтуға, өңірлер арасында практикалық тәжірибе алмасуға және зертханалық және эпидемиологиялық бейіндегі мамандардың кәсіби дағдыларын жетілдіруге ықпал ететіні, мамандардың кәсіби құзыреттілік деңгейін арттырып қана қоймай, сонымен қатар ел аумағында табиғи-ошақты инфекциялардың алдын алу мен мониторингтеудің бірыңғай тәсілдерін әзірлеуге мүмкіндік беретіні атап өтілді.
Үш күндік тренингке қатысушылар Қазақстан Республикасында энтомологиялық мониторинг және трансмиссивті инфекциялардың алдын алу жүйесін жетілдіруге бағытталған іс-шараның жоғары практикалық маңыздылығын атап өтті.
Талқылау барысында мамандар эпидемиологиялық қадағалау әдістерін одан әрі жетілдіру, далалық зерттеулер мен аса қауіпті инфекциялардың зертханалық диагностикасын ұйымдастыру бойынша пікірлерімен, практикалық тәжірибе және ұсыныстармен алмасты. Өңіраралық өзара іс-қимыл, жедел ақпарат алмасу және профилактикалық іс-шаралардың тиімділігін арттыру мәселелеріне ерекше назар аударылды.
Іс-шара соңында барлық қатысушыларға қатысу туралы сертификаттар табысталады.
Ақпарат көзі : https://www.gov.kz/memleket/entities/departament-kkbtu-karaganda/press/news/details/1218682?lang=kk
Жауап қалдыру