Телеграмм КС – https://t.me/consot_kz
Қазақстан Республикасының Конституциялық Сотына Қылмыстық-процестік кодекстің 179-бабы бірінші бөлігінің 2) тармағының Конституцияға сәйкестігін тексеру туралы өтініш келіп түсті.
Өтінішке заң консультантын қылмыстық жауаптылыққа тарту туралы өтінішті сотқа дейінгі тергеп-тексерудің бірыңғай тіркеуден бас тарту негіз болды. Дау ақылы қызмет көрсету шартына байланысты туындаған, онда өтініш иесі мемлекеттік бажды төлеу үшін ақша қаражатын берген, алайда қызмет көрсетілмеген және қаражат қайтарылмаған.
Полиция мен прокуратура даудың азаматтық-құқықтық сипатта екенін және оның азаматтық сот ісін жүргізу тәртібімен шешілуге тиіс екенін көрсетті. Бұл тұжырымдарды тергеу соты мен апелляциялық саты қолдады.
Өтініш иесі арызды Сотқа дейінгі тергеп-тексерудің бірыңғай тіркеуден бас тарту оның қорғану құқығы мен сот төрелігіне қол жеткізу құқығын бұзады деп есептеді.
Алдын ала зерделеу қорытындысы бойынша Конституциялық Сот сот арқылы қорғалу құқығы даудың сипатына қарай сот ісін жүргізудің әртүрлі нысандарында жүзеге асырылуы мүмкін екенін атап өтті.
Конституциялық Сот қылмыстық жауаптылық тек қылмыстық құқық бұзушылық белгілері болған жағдайда ғана туындайтынын түсіндірді. Іс-әрекетте мұндай белгілердің бар-жоғын айқындау қылмыстық заңнама мен құқық қолдану саласына жатады.
Дауланып отырған Қылмыстық-процестік кодекстің нормасы өтініштер Сотқа дейінгі тергеп-тексерудің бірыңғай тіркелуге жатпайтын жағдайларды реттейді, атап айтқанда, егер бұл сот жарамсыз деп танымаған және қылмыс белгілері жоқ азаматтық-құқықтық мәмілелер туралы болса.
Конституциялық Сот азаматтық-құқықтық және қылмыстық-құқықтық қатынастарды ажырату құқықтық жүйенің элементі болып табылатынын және өздігінен конституциялық кепілдіктерге нұқсан келтірмейтінін атап өтті.
Ақпарат көзі : https://www.gov.kz/memleket/entities/ksrk/press/news/details/1219616?lang=kk
Жауап қалдыру