1 мамыр-Шөптікөл мәдени-спорт кешенінде Қазақстан халқының бірлігі күніне арналған “Қазақстан – бірліктің бесігі” атты мерекелік концерттік бағдарлама өтті.

1 мамыр–Шөптікөл мәдени–спорт кешенінде Қазақстан халқының бірлігі күніне арналған “Қазақстан – бірліктің бесігі” атты мерекелік концерттік бағдарлама өтті. Іс-шара аясында аудан әкімі Қадыржан Сүйігәлиев сөз сөйлеп, тұрғындарды мерекемен құттықтады. – 1 мамыр–Қазақстан халқының бірлігі күнімен шын жүректен құттықтаймын! Бүгінгі таңда 136 ұлт пен ұлыстың өкілдері бір тудың астында бейбіт өмір сүріп жатқанда, біздің округте 30-дан астам басқа ұлт өкілдері бейбіт өмір сүруде (аудан халқының 6,3%). Сондықтан бұл күн әрбір қазақстандық үшін Отанға деген сүйіспеншілік, азаматтық борыш пен ұлттық келісім сезімдерінің мерекесі болып табылады. Осы ерекше күні Сіздерге зор денсаулық, отбасыларыңызға қауіпсіздік, жұмыста табыс тілеймін! Біздің елімізде әрқашан бейбітшілік пен келісім орнасын! Біздің бірлігіміз берік және жарқын болсын болашақ! ,– деді. Кешке ұйымдастырылған концерттік бағдарлама әртүрлі ұлт өкілдерінің мәдениеті мен өнерін кеңінен насихаттады. Атап айтқанда, Мереке Сағидулин “жаңбыр жауды“ әнін орындады, Ақгүл Нығметова башқұрттың “батпырауық әле туған ягым“әнін шырқады. Сонымен қатар, көрермендерге якут, орыс билері және “достық биі“ұсынылды. Сахнада өзбек, әзірбайжан және қырғыз халқының әндері де орындалды. Атап айтқанда, Тұрарбек Қыдырғалиев “өзбек қызы“ әнін орындаса, Гүлайым Қайырғалиева “Vela chou“әнін орындады. Жарқын мен Аяжан Байтеміров “Қызыл алма“ әнін шырқап жатқанда, қуаныш пен Нұргүл көрермендерді “Азизим“әнімен баурап алды. Рысгүл Жұмағалиева Әзербайжан әнін, Рүстем Ақташев қырғыздың “Іли–Іли“әнін орындады. Кеш көрермендерге көтеріңкі көңіл-күй сыйлап, бірлік пен бейбітшіліктің маңыздылығын атап өтті.