Қала әкімі Әнуар Күмпекеевтің төрағалығымен өткен аппараттық кеңесте 2025–2026 жылдардағы жылыту маусымы тұрақты өткендігі атап өтілді.
Ендігі негізгі міндет – қаланы 2026–2027 жылдардағы жылыту маусымына сапалы әрі уақытылы дайындау. Жоспар аясында қазандық жабдықтарын жөндеу, жылу желілерінің бірқатар учаскелерін ауыстыру, Саин және Байтұрсынов көшелеріндегі жұмыстарды аяқтау, сондай-ақ Красный Яр ауылындағы жаңа блокты-модульді қазандықтың құрылысын аяқтау көзделген.
Қала әкімі жауапты қызметтерге барлық жұмыстарды тұрақты бақылауда ұстап, мерзімдердің созылуына жол бермеуді және қаланың тіршілікті қамтамасыз ету жүйелерінің сенімді жұмысын қамтамасыз етуді тапсырды.
Ақпарат көзі : https://www.gov.kz/memleket/entities/aqmola-kokshetau/press/news/details/1224743?lang=ru
Жауап қалдыру