«Қауіпсіз жол» жедел-профилактикалық іс-шарасы аясында әкімшілік полиция қызметкерлері «ҚазАвтоЖол» ұлттық операторының өкілдерімен және Павлодар облысы прокуратурасымен бірлесіп «Жолдағы қабылдау» акциясын өткізді.
Іс-шара жол қозғалысы қауіпсіздігін арттыруға және жол-көлік оқиғаларының алдын алуға бағытталған. Акцияның басты мақсаты — жол қозғалысына қатысушылармен ашық диалог орнату.
— Акция барысында жүргізушілерге автомобиль жолдарының жай-күйі мен күтімі, жол қозғалысын ұйымдастыру мәселелері бойынша түсіндіру жұмыстары жүргізіліп, жол қауіпсіздігі саласындағы заңнама талаптары түсіндірілді, — деді Павлодар облысы ПД әкімшілік полициясының қызметкері Арман Қарыбаев.
Бүгінде жолдағы ең үлкен қауіп — жылдамдықты арттыру, қарсы жолаққа шығу, жол белгілерін елемеу және жүргізушінің шаршаған күйде көлік басқаруы. Себебі дәл осындай құқық бұзушылықтар ауыр зардаптарға әкеліп жатады.
Полиция жүргізушілерді Жол қозғалысы ережелерін сақтауға, жолда мұқият болуға, әсіресе қалааралық тас жолдарда жылдамдық режимін және еңбек пен демалыс тәртібін қатаң ұстануға шақырады.
Өткізіліп жатқан барлық іс-шаралардың басты мақсаты — азаматтардың өмірі мен денсаулығын сақтау.
Ақпарат көзі : https://www.gov.kz/memleket/entities/mvd-pavlodar/press/news/details/1224642?lang=ru
Жауап қалдыру